LIHINGMiagal do koginumuan tadat hom pisompuruan tulun hiti pomogunan, tulun Sabah hiti Borneo ngaranan do tulun dusun nga nokoilo nogi do momonsoi tinumon do ka-auk nangaranan diolo do Lihing. Olundus tomod!
Momonsoi nopo Lihing aiso suai gunaon suai ko Wagas Pulut miampai do Sasad. Iti nopo Sasad nga winonsoi nogi mantad do Wagas. Toririmoh pisompuruan tulun dusun hiti Sabah, pongolohou diolo diti tiinumon nga mogisuayan nogi. Haro mongolohou Kinomol, Sagantang, Kinarung, Kinupi, Linahas hom Kombos. kawagu-wagu haro nogi Tumpung.
Mogisusuaiyan iti tiinumon ti nga soiso e tadon do pomonsoi. Wagas pulut hom Sasad.
Koubasanan nopo do tulun Dusun monginum ti Lihing nga soira haro karamayan miagal aantakan do Mongomot do Parai. karamaiyan diti ramaiyon kasari antakan do tulan ko limo monikid toun. iti noh komoyon do karamaiyan do Kaamatan.
Korikot kou nopo do hinonggo nopo walai tulun Dusun hiti Sabah hom poumbalon ko do sonsinggarung do Lihing nga kada noh do amu inumon tuh komoyon ko moti do obisig. Singgarungan kou nopo koinduo nga mogot nogi mirikau hom tumanud do rumamai.
Ponsikou mantad doho tulun Bugaron.
Lawrence M.
